AUZOAK
Beti merezi du Kortezubi bisitatzea, berdin dio urtaroak. Bere auzoetatik paseatzeak paisaia, kultura eta historia aldetik duen xarma eta erakargarritasun guztia erakusten dizu. Herriko plaza tradizional baten fisonomia eta zerbitzuak gordetzen ditu zentroak, berrituta eta egungo bizimodura egokituta. Abiapuntu ezin hobea da Urdaibaiko bihotzean dagoen paduran agertzen den naturarekin eta itsasoarekin topo egiteko.
8 Auzo
- Terlegiz
- Enderika
- Idokiliz
- Basondo
- Oma
- Elorriaga
- Santa Ana
- Barrutia
Terlegiz auzoa
Landa-ingurune idilikoa, izaera, esentzia eta arimaduna. Auzo horretan dago XVII. mendean eraikitako teilagin-labe baten aztarnategi arkeologikoa (industriaren hastapeneko instalazioa).
Enderika auzoa
Herriko jarduera soziokulturalaren puntu neuralgikoa. Santiago Apostoluaren eliza ikusgarria, herriko frontoia, udaletxea, udal taberna eta herriko plaza batzen ditu. Bisitatu hemen ere San Esteban baseliza, itsasora begira.
Idokiliz auzoa
Haritzen, zelaien eta baserrien artean dago paisaia. Haritz eder batek itzala ematen dio San Millaneko baseliza zoragarriari, San Belian izenez ezagutzen dena. 1610eko tenplu gotikoa da eta eskualdeko sarrera ederrenetakoa du.
Basondo auzoa
Hemen Santimamiñeko baseliza dugu, inguruko zaharrenetakoa, antzinako nekropoli bateko hilarriak gordetzen dituena. Ereñozar mendiaren azpian, Santimamiñeko koba, Gizateriaren Ondarea, paisaia sakon eta liluragarriz inguratua. Auzoari kolorea ematen dio "Basobarri" Omako Baso Margotuak.
Oma auzoa
Omako harana inguru-lasaia da, paisaia karstiko harrigarri batez jositako gune naturalaren erdian. Hemen bizkaiko baserriaren eredu bikainak daude eta Bolunzulo errota ezkutatzen da. Hemen Oka ibaia kareharrizko mendiaren azpian ezkutatzen da.
Elorriaga auzoa
Landa-izaera ukigabea eta mimoz zaindua du, eta barnealdeko auzo hau paisaia askotariko eta iradokitzaile zoragarri baten aurrean dago. Kortezubi eta Gernika-Lumo lotzen dituzten ibilbideetako batzuk hemendik igarotzen dira, besteak beste.
Santa Ana auzoa
Kortezubi eta Belendiz arteko herribidearen ondoan dago auzo lasai hau, Kortezubiko baserritarren esentzia inspiratuz. Hemen, garai batean, San Antolinen baseliza egon zen, harizti batez inguratua. Gertu dagoen baserri batean, San Antolin, Ama Birjina eta Santa Anaren egurrezko tailuak gordetzen dira.
Barrutia auzoa
Arratzuko udalerriaren mugan, auzo hau PR-BI-181 ibilbide txikiaren eta Kortezubiko Ibilbide Osasungarriaren parte da. Harritzeko modukoa.
