BASOBARRRI
Omako Baso Margotua
1984an naturaren energia sortzaileak inspiratu zuen Agustin Ibarrola. Artistak kolorez eta plastikotasunez estali zituen Oma haranako basoko pinuak, mihise erraldoian transformatuz. Basoa zeharkatuz sakontasun-plano desberdinetan dauden zuhaitz margotuen ikus-fusioak, obraren irudiak eta adierazkortasuna erakusten dizkizu.
Omako baso margotu zaharra
Basobarri
Basoa ez da oihala bezain geldoa. Urteak igaro ondoren zuhaitzek beren denbora agortu dute eta obra artistikoa "lekuz aldatu" behar izan dute. Basobarri, Omako Baso Margotu berria da. Bisita esperientzia harrigarria da, naturaren eta artearen fusioak zentzumenak harrapatzen ditu, eta emozio jasanezinak sortzen ditu. 2022ko udan, sortze-prozesua ezagutzeko bisita hitzartuak eskaini ondoren, 2023ko udazkenean zabaldu da baso berria oso-osorik.
PAISAIA KARSTIKOA
Oman, haraneko bidea jaistea lasaigarria, inspiratzailea eta ederra da. Paisaia karstikoz inguratuta, Santimamiñetik baserri ederren artean doan bide isilak Urdaibaiko txoko xarmagarri honetan barneratzen zaitu. Edertasun handiko leku honetan Bolunzulo errotaren aztarnak aurkituko dituzu, non Oka ibaia kareharrizko mendiaren azpian ezkutatzen den. XVI. mendean eraiki zuten, eta litekeena da erabilera komunalekoa izatea; inguru horretan adibide bakarra da, ezagutzea merezi du.
